Cofnodion - Y Pwyllgor Busnes

Lleoliad:

Tŷ Hywel

Dyddiad: Dydd Mawrth, 27 Chwefror 2024

Amser: 09.00 - 10.03

Preifat

------

Yn bresennol

Categori	Enwau
Aelodau’r Pwyllgor:	Elin Jones AS, Llywydd (Cadeirydd) Lesley Griffiths AS Darren Millar AS Heledd Fychan AS
Staff y Pwyllgor:	Graeme Francis (Clerc) Yan Thomas (Dirprwy Glerc)
Eraill yn bresennol	Jane Dodds AS David Rees AS, Y Dirprwy Lywydd Manon Antoniazzi, Prif Weithredwr a Chlerc y Senedd Siwan Davies, Dirprwy Brif Weithredwr a Chlerc a Chyfarwyddwr Busnes y Senedd Bethan Davies, Pennaeth Gwasanaeth y Siambr a Phwyllgorau Julian Luke, Pennaeth Pwyllgorau Polisi a Deddfwriaeth Siân Wilkins, Pennaeth Gwasanaeth y Siambr a Phwyllgorau, Llinos Madeley, Clerc, Gwasanaeth y Siambr a Phwyllgorau Helen Carey, Llywodraeth Cymru Ed Williams, Cyfarwyddwr Adnoddau y Senedd James Attridge, Uwch-reolwr  Diogelwch

<AI1>

1 Cyflwyniadau, ymddiheuriadau a dirprwyon

Croesawodd y Llywydd yr Aelodau i’r cyfarfod

</AI1>

<AI2>

2 Cofnodion y cyfarfod blaenorol

Cytunwyd ar gofnodion y cyfarfod blaenorol i’w cyhoeddi

</AI2>

<AI3>

3 Trefn Busnes

</AI3>

<AI4>

3.1 Busnes yr wythnos hon

Dydd Mawrth

Rhoddodd y Trefnydd wybod i’r Rheolwyr Busnes am y newidiadau a ganlyn:

· Cynnig i Atal Rheolau Sefydlog dros dro (5 munud)

· Dadl: Hyblygrwydd cyllidebol a gweithredu Fframwaith Ariannu'r DU (60 munud) Aildrefnwyd

· Cynnig Cydsyniad Deddfwriaethol ar y Bil Gweithgarwch Economaidd Cyrff Cyhoeddus (Materion Tramor) (15 munud) Aildrefnwyd

· Datganiad gan y Dirprwy Weinidog Iechyd Meddwl a Llesiant: Creu cenhedlaeth ddi-fwg a mynd i'r afael â fepio ymhlith pobl ifanc (30 munud) Gohiriwyd

· Datganiad gan y Dirprwy Weinidog Partneriaeth Gymdeithasol: Y Mis Hanes LHDTC+ Cynllun Gweithredu (30 munud)

· Datganiad gan y Gweinidog Newid Hinsawdd: Ail Gartrefi a Fforddiadwyedd (30 munud) Gohiriwyd tan 12 Mawrth

· Caiff y Cyfnod Pleidleisio ei gynnal fel yr eitem olaf o fusnes

· Nid yw'r Cyfarfod Llawn yn debygol o fynd y tu hwnt i 6.00pm

Dydd Mercher

Cafodd y Pwyllgor Busnes wybodaeth friffio ar drefniadau diogelwch yn ymwneud â'r brotest a ddisgwylir ddydd Mercher a'r amharu posibl, gan gynnwys teithio. Cofrestrodd y Trefnydd a Jane Dodds eu pryder bod busnes a digwyddiadau'r Senedd yn parhau wyneb yn wyneb o ystyried maint y brotest a ddisgwylir a chodwyd y posibilrwydd o gadw presenoldeb ar Ystad y Senedd ar ei isafswm, a thrafodion yn cael eu cynnal ar-lein pe bai angen.

· Caiff y Cyfnod Pleidleisio ei gynnal cyn y Ddadl Fer.

· Nid yw'r Cyfarfod Llawn yn debygol o fynd y tu hwnt i 7.10pm.

</AI4>

<AI5>

3.2 Amserlen busnes y Llywodraeth ar gyfer y tair wythnos nesaf

Rhoddodd y Trefnydd wybod i’r Rheolwyr Busnes am y newidiadau canlynol i amserlen Busnes y Llywodraeth ar gyfer y tair wythnos nesaf:

Dydd Mawrth 12 Mawrth 2024

· Datganiad gan y Gweinidog Newid Hinsawdd: Ail Gartrefi a Fforddiadwyedd (30 munud)

· Rheoliadau Gwasanaethau Preswyl Ysgolion Arbennig (Darparwyr Gwasanaeth ac Unigolion Cyfrifol) (Cymru) 2024 (5 munud)

· Rheoliadau Treth Gwarediadau Tirlenwi (Cyfraddau Treth) (Diwygio) a Deddf Casglu a Rheoli Trethi (Cymru) 2016 (Diwygiadau Amrywiol) (Cymru) 2024 (5 munud)

· Cynnig i amrywio'r drefn o ystyried gwelliannau Cyfnod 3 y Bil Seilwaith (Cymru) (5 munud)

· Dadl: Ail Gyllideb Atodol 2023-24 (30 munud) gohiriwyd tan 13 Mawrth

Dydd Mercher 13 Mawrth 2024

· Cwestiynau i’r Gweinidog Iechyd a Gwasanaethau Cymdeithasol (45 munud) gohiriwyd tan 20 Mawrth 2024

· Cwestiynau i Weinidog y Gymraeg ac Addysg (45 munud) - wedi dwyn ymlaen o 20 Mawrth 2024

· Dadl: Ail Gyllideb Atodol 2023-24 (30 munud)

Cytunodd y Pwyllgor Busnes i ohirio Cwestiynau i'r Gweinidog Iechyd a Gwasanaethau Cymdeithasol ar gyfer 20 Mawrth i ddwyn ymlaen y Cwestiynau i Weinidog y Gymraeg ac Addysg i 13 Mawrth.

</AI5>

<AI6>

3.3 Amserlen busnes y Senedd ar gyfer y tair wythnos nesaf

Cytunwyd ar yr ychwanegiadau a ganlyn i amserlen Busnes y Senedd ar gyfer y tair wythnos nesaf: 

Dydd Mercher 13 Mawrth 2024 –

· Dadl ar Gynnig Deddfwriaethol gan Aelod (30 munud) Symudwyd i 12 Mawrth

Dydd Mercher 20 Mawrth 2024 –

• Dadl Aelodau o dan Reol Sefydlog 11.21(iv) (60 munud)
• Dadl ar Ddeiseb P-06-1367: Dylid ariannu gwaith i symud creigiau chwarel ac adfer tywod a grwynau i Draeth y Gogledd Llandudno
• Amser a neilltuwyd i Blaid Cymru (60 munud)
• Dadl Fer: Carolyn Thomas (Gogledd Cymru) (30 munud)
• Dadl Fer: Peredur Owen Griffiths (Dwyrain De Cymru) (30 munud)

</AI6>

<AI7>

4 Deddfwriaeth

</AI7>

<AI8>

4.1 Amserlen ar gyfer Bil Senedd Cymru (Rhestrau Ymgeiswyr Etholiadol)

Trafododd y Pwyllgor Busnes amserlen y Bil a gynigiwyd gan y Llywodraeth a chytunodd:

• i gyfeirio Bil Senedd Cymru (Rhestrau Ymgeiswyr Etholiadol) i’r Pwyllgor Biliau Diwygio er mwyn ystyried egwyddorion cyffredinol y Bil;
• ymgynghori â'r Pwyllgor Biliau Diwygio ar yr amserlen arfaethedig ar gyfer craffu ar Fil Senedd Cymru (Rhestrau Ymgeiswyr Etholiadol) a dychwelyd y mater yn y cyfarfod nesaf; a
• cytunwyd hefyd mewn egwyddor, ac yn amodol ar i'r Senedd gytuno ar egwyddorion cyffredinol y Bil, i gyflwyno cynnig ar ddechrau Cyfnod 2 yn gofyn am gytundeb y Senedd i drafodion Cyfnod 2 gael eu cynnal gan Bwyllgor o'r Senedd Gyfan.

</AI8>

<AI9>

4.2 Amserlenni Cyflym ar gyfer Biliau’r Senedd

Trafododd y Pwyllgor Busnes bapur ar amserlenni cyflym ar gyfer Biliau'r Senedd. Nododd y Pwyllgor brofiad y ddau Fil a amlinellwyd yn y papur a gofynnodd i swyddogion ddrafftio offeryn gwneud penderfyniadau y gellid ei ddefnyddio i'w gynorthwyo i wneud penderfyniadau yn y dyfodol ar amserlenni Biliau pan fydd amserlen gyflym wedi’i chynnig.

Gofynnodd Darren Millar i ystyried faint o amser sydd ar gael i'r Aelodau i baratoi ar gyfer trafodion Cyfnod 2 a Chyfnod 3 ar Filiau yn dilyn y terfyn amser ar gyfer cyflwyno gwelliannau. Gofynnodd y Pwyllgor Busnes i swyddogion ddarparu nodyn am y materion hyn, i gynnwys profiad diweddar yn ymwneud â’r Bil Seilwaith (Cymru).

</AI9>

<AI10>

4.3 Llythyr gan Gadeirydd y Pwyllgor Deddfwriaeth, Cyfiawnder a’r Cyfansoddiad ynghylch Memorandwm Cydsyniad Deddfwriaethol y Bil Rhentwyr (Diwygio)

Cytunodd y Pwyllgor Busnes â’r cais i ddiwygio'r terfyn amser i bwyllgorau adrodd ar Femorandwm Cydsyniad Deddfwriaethol ar y Bil Rhentwyr (Diwygio) i 26 Ebrill 2024.

</AI10>

<AI11>

5 Pwyllgorau

</AI11>

<AI12>

5.1 Llythyr gan Gadeirydd Pwyllgor yr Economi, Masnach a Materion Gwledig yn gofyn am ganiatâd i gynnal cyfarfod arbennig o'r Pwyllgor

Cytunodd y Pwyllgor Busnes â’r cais i Bwyllgor yr Economi, Masnach a Materion Gwledig gynnal cyfarfod ychwanegol o'r Pwyllgor ar 14 Mawrth 2024.

</AI12>

<AI13>

6 Gwaith Gweithdrefnol

</AI13>

<AI14>

6.1 Rhannu Swydd Cadeirydd Pwyllgor: Cynigion Manwl

Dychwelodd y Pwyllgor Busnes at ystyried a ddylai fwrw ymlaen â thrafod Rhannu Swydd Cadeirydd Pwyllgor cyn toriad y Pasg, a swyddi gwag posibl cadeiryddion pwyllgorau a allai godi yn sgil y Prif Weinidog newydd yn penodi ei lywodraeth. Cytunodd mwyafrif ar y Pwyllgor Busnes bod angen cyfnod hwy o amser i roi ystyriaeth lawn i'r materion perthnasol.

Cytunodd y Pwyllgor Busnes i fwrw ymlaen â'r drafodaeth fanwl honno dros y misoedd nesaf, gan gydnabod na fyddai unrhyw newidiadau ar waith erbyn i unrhyw swydd wag godi yn dilyn toriad y Pasg.

</AI14>

<TRAILER_SECTION>

</TRAILER_SECTION>

<LAYOUT_SECTION>

1. FIELD_TITLE

FIELD_SUMMARY

</LAYOUT_SECTION>

<TITLE_ONLY_LAYOUT_SECTION>

2. FIELD_TITLE

</TITLE_ONLY_LAYOUT_SECTION>

<HEADING_LAYOUT_SECTION>

FIELD_TITLE

</HEADING_LAYOUT_SECTION>

<TITLED_COMMENT_LAYOUT_SECTION>

FIELD_TITLE

FIELD_SUMMARY

</TITLED_COMMENT_LAYOUT_SECTION>

<COMMENT_LAYOUT_SECTION>

FIELD_SUMMARY

</COMMENT_LAYOUT_SECTION>

<SUBNUMBER_LAYOUT_SECTION>

2.1 FIELD_TITLE

FIELD_SUMMARY

</SUBNUMBER_LAYOUT_SECTION>

<TITLE_ONLY_SUBNUMBER_LAYOUT_SECTION>

2.2 FIELD_TITLE

</TITLE_ONLY_SUBNUMBER_LAYOUT_SECTION>